10:28 PM
Hindi ko talaga matandaan kung paano ako nakapasa sa Marist dahil sa aking pagkaka-alala hindi ko naman naisulat ng buo ang pangalan ko sa test paper ko nun ang nailagay ko lang “Gian” dahil sobrang haba ba naman ng apelyido ko paano ko ba naman yun maaalala?
Naalala ko nung first day ko sa Marist hindi ko kasama momi ko ang pinasama sa akin ang diche ko… at nung pumunta kami ng Marist tinatanong sa akin ng diche ko kung saan daw ung classroom ko, siyempre bata pa hindi ko alam ang pinagkaiba ng testing room sa classroom kaya tinuturo ko siya sa naging testing room ko pero buti na lang alam niya na hindi ko talaga alam kung saan classroom ko kaya hindi ko na alam ang mga susunod na pangyayare, ang alam ko na lang ay nakarating na kames a classroom ko… ang section ko noon ay maginoo… prep maginoo at ang adviser at overall subjects teacher ay si Mrs. Contreras isang maliit na matandang babae na medyo masungit at medyo wavy ang buhok at may eyeglasses sa lila! ^_^ ang tanda!
Matapos akong ihatid ng kapatid ko sa aking classroom ay lumabas na siya at nakasilip na lang sa may pintuan kasama ang iba pang mga magulang ng aking mga kaklase… tapos maya-maya ng konti biglang nawala sa paningin ko ang kapatid ko at dahil dun muntik na ako maiyak (tai na yan! Iyaking bata!) pero siyempre napigilan pero malungkot ako habang sila ay kumakanta at nagsasaya… pagkatapos ng klase nalaman ko na lang na nandun lang pala yung kapatid ko buong magdamag ako inantay at natakpan lang siya ng pader kaya hindi ko siya nakita…
Ang setting ng classroom mesa tapos hiwalay na upuan kumpara sa higher level magkasama ang upuan at mesa at tinatawag na armchair! Sa loob lang kami ng classroom pag nagbbreak, baong lang naming ang kakainin naming dahil hindi kami pwede bumili pa sa canteen.
Panghapon ako noon, ang prep-grade 3 sa batch ko ay nahahati sa dalawang batch ang pang-umaga at ang panghapon. pero noong naging grade 4 kami ginawa ng buong araw ang lahat ng grade 3, kaya masasabi ko na maswerte batch namin dahil nakaabot pa kami sa halfday sa grade 3...
Ayoko nun ang pangalan ng section ko kasi sa araw-saraw ba naman na ginawa ng Diyos pag me nagtanong kung ano section mo, syempre sasagot ka ng "Maginoo" tapos bigla ka nila kakantahan ng "Maginoo, pero medyo bastos!" usong-uso pa naman yung kanta ni Cookie Chua na yun at syempre 'pag bata ka, kapag inasar ka aasarin mo rin pero mas walang kwentang pang-asar, masabi lang na nakaganti ka. :D
Sa Marist masaya ang magpataas ng grades dahil pakiramdam mo na-aappreciate ang efforts mo kahit na marami kayong me ganun... every grading nirerecognize ang mga me honor pero sa loob lang ng classroom dahil baka nde umuwi ang mga estudyante sa dami ng me honor na nahahati sa tatlong distinction ang third honor, second honor at first honor... noong prep ako para magkaroon ka ng third honor dapat ay 83 and above sa bawat subject hindi ang average, 85 and above naman sa second honor at 88 and above naman sa first honor... malalaman mo agad na me honor ka sa report card dahil makikita mo ddon na me kulay ang star mo at me pirma ^_^ blue para sa third honor, red para sa second honor at yellow naman sa first honor.... bukod pa doon ay makakatanggap ka ng recognition card na may honor ka...
Sa buong school year ko sa prep nakatanggap ako ng second honor noong third quarter at wala na sa ibang quarter... 'wag na umasa... prep din ako unang nakatanggap ng line of 7 pero hindi ko napansin yun hanggang sa nakita ko muli ang report card ko noong prep nang ako'y naging grade 3.
Mag-eend na nun ang school year noon ewan ko ba kung bakit ako nalungkot noon at naiyak, naisip ko noon baka nde na kami magkita-kita next school year dahil nga may mapupunta sa panghapon at pang-umaga... naiinis ako pag naiisip ko yung panahon na yun napaka-iyaking bata ko talaga... tsktsktsk...
...............................fly with me..............................
9:25 PM
Matapos ang isang taon sa nursery school ko 1994, inilipat naman ako sa Little Child of Jesus School, medyo sikat na ang school na yan ngayon kumpara noon, kasi ngayon marami nang ads, located siya sa Rancho nde ko lang alam kung 1, 2 or 3 pero sigurado akong hindi Rancho 4 yan kasi malayo yun sa amin…
May maganda at batang teacher kami noon na anak ng may ari ng school ko, ang tawag naming sa kanya ay Teacher Rose… me twist na mababasa sa dulo ng kwentong ito…
Naaalala ko yung kaklase kong prep na si Aiko kung hindi ako nagkakamali, siya lang ang marunong magbasa sa amin noon ^_^ ewan ko lang kung ano na nangyare sa kanya… ayaw na ayaw ko yung service ko noon si Mang Sol, paano ba naman ang sungit-sungit niya sa akin tuwing susunduin niya ako ewan ko ba kung bakit tapos dumagdag pa nang dumating si Teacher Joey isang babaeng kulot na terror!!! Biruin mo yun me terror teacher na sa pre-school at napakalupit niya dahil pinatayo niya ako noon nung hindi ko mabasa yung word na “bell” ipagdasal na lang niya na hindi ko na siya maalala dahil talagang babawian ko siya! ^_^ ahehehe!
First embarrassing moment ko naganap noong kinder ako… nakakatawang isipin kinder na ako noon pero dumedede pa ako ng gatas sa bote at nag-ootot (thumb sucking) pa ako noon… dahil minsan binisita ako ng mga teachers ko sa aming bahay at nahuli nila akong dumedede kinabukasan sa sobrang hiya ko sinabi ko na lang sa momi ko na hindi na lang ako papasok kasi nahihiya ako… at siyempre hindi pumayag momi pumasok pa rin ako… ang babaw noh? Salamat naman sa Diyos at hindi tsinismis ng mga teachers ko sa mga classmates ko ang nakita nila… big deal sa akin yun noon…
*sa aking elementarya isang kagimba-gimbal na pangyayari ang binalita sa akin ng dati kong kamag-aral noong kinder at yun daw ay… “patay na si Teacher Rose… nasagasaan siya ng trak!” siyempre bata exaggerated magkwento, hindi siya talaga mismo ang nasagasaan ng trak, ang kotse lang niya kaso nasa loob siya noong sagasaan ng trak yung kotse niya kaya pati siya tigok…
...............................fly with me..............................
7:56 PM
NURSERY rhymes...
haay... sarap magreminisce ng childhood... sarap ikwento at alalahanin ang mga masasaya at mga walang kakwentakwentang bagay na pinagagagawa mo sa iyong kabataan... nga pala nung bata ako sa Lady Katherine Learning Center ako nag-aral ng nursery, hindi niyo kilala yung pangalan ng school no? siyempre malapit lang sa amin ang maliit na pre-school na yan kaya nde kilala... napakarami ko ring memories diyan, naman! ewan ko ba kung bakit nde ko malimutan.
memorable sa akin ang mga larong pambata na pinapagawa diyan sa pre-school na yan... diyan ko unang natutunan ang "sit down, sit down your rocking the boat" "sasara ang bulaklak, bubuka ang bulaklak..." at kung anu-ano pa... madalas kami pag naglalaro sa basketball court sa loob ng village namin kasi naman hindi kami kakasya sa loob ng pre-school... paano ba naman bahay lang yun na ginawang pre-school...
nahilig din ako sa jumbo crayons, kasi nung bata ako gusto ko malalaki gamet ko para madaling gamitin kasi ba naman wala pang kontrol… kasama na rin dun ang jumbo pencils… ^_^
dati lagi akong me pangamba kapag iinom ako ng "Magnolia Chocolait" kasi ang malas ko noon, lagi na lang ako nakakainom ng panis na chocolait… T_T lalo na Choc-O lahat ng ininom kong ganun panis…
masaya naman ang nursery life ko… nakarelate ba kayo sa kwento ko?
...............................fly with me..............................
7:56 PM
...............................fly with me..............................
7:53 PM
...............................fly with me..............................
7:48 PM
...............................fly with me..............................
